ਅਰਥ-ਵਿਵਸਥਾ ਉਤੇ ਪੈਣ ਵਾਲੇ ਅਸਰ ਬਾਰੇ ਕੀਤਾ ਸੁਚੇਤ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਅੰਤਰਰਾਸ਼ਟਰੀ ਮੁਦਰਾ ਕੋਸ਼ (ਆਈ.ਐਮ.ਐਫ.) ਇਰਾਨ ਨਾਲ ਜੁੜੇ ਮੌਜੂਦਾ ਸੰਘਰਸ਼ ਦੇ ਗਲੋਬਲ ਮਹਿੰਗਾਈ ਅਤੇ ਆਰਥਿਕ ਉਤਪਾਦਨ ’ਤੇ ਪੈਣ ਵਾਲੇ ਅਸਰਾਂ ਨੂੰ ਧਿਆਨ ਨਾਲ ਦੇਖ ਰਿਹਾ ਹੈ। ਆਈ.ਐਮ.ਐਫ. ਦੀ ਮੁੱਖ ਬੁਲਾਰਾ ਜੂਲੀ ਕੋਜ਼ੈਕ ਨੇ ਕਿਹਾ ਕਿ ਇਸ ਜੰਗ ਦਾ ਆਰਥਿਕ ਪ੍ਰਭਾਵ ਇਸਦੀ ਮਿਆਦ, ਤੀਬਰਤਾ ਅਤੇ ਕਿੰਨੇ ਖੇਤਰਾਂ ਤੱਕ ਇਹ ਫੈਲਦੀ ਹੈ, ਇਸ ’ਤੇ ਨਿਰਭਰ ਕਰੇਗਾ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਹੁਣ ਤੱਕ ਕਿਸੇ ਵੀ ਦੇਸ਼ ਨੇ ਇਸ ਸੰਘਰਸ਼ ਦੇ ਸਬੰਧ ਵਿੱਚ ਐਮਰਜੈਂਸੀ ਵਿੱਤੀ ਮਦਦ ਲਈ ਆਈ.ਐਮ.ਐਫ. ਨਾਲ ਸੰਪਰਕ ਨਹੀਂ ਕੀਤਾ। ਅਮਰੀਕਾ-ਇਜ਼ਰਾਈਲ ਅਤੇ ਇਰਾਨ ਨਾਲ ਜੁੜੇ ਇਸ ਟਕਰਾਅ ਤੋਂ ਬਾਅਦ ਵੀ ਆਈ.ਐਮ.ਐਫ. ਨੂੰ ਕਿਸੇ ਵੀ ਤਰ੍ਹਾਂ ਦੀ ਐਮਰਜੈਂਸੀ ਫੰਡਿੰਗ ਲਈ ਕੋਈ ਸਰਕਾਰੀ ਬੇਨਤੀ ਨਹੀਂ ਮਿਲੀ ਹੈ।