ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਅੱਜ ਸੋਮਵਾਰ ਸਵੇਰੇ ਜਦੋਂ ਸ਼ੇਅਰ ਬਾਜ਼ਾਰ ਖੁੱਲ੍ਹਿਆ ਤਾਂ ਸ਼ੁਰੂਆਤ ਆਮ ਰਹੀ। ਨਿਵੇਸ਼ਕਾਂ ਨੂੰ ਉਮੀਦ ਸੀ ਕਿ ਪਿਛਲੇ ਕਈ ਮਹੀਨਿਆਂ ਤੋਂ ਜਾਰੀ ਤੇਜ਼ੀ ਦਾ ਸਿਲਸਿਲਾ ਅੱਗੇ ਵੀ ਜਾਰੀ ਰਹੇਗਾ। ਅਜਿਹਾ ਸੋਚਣਾ ਸੁਭਾਵਿਕ ਵੀ ਸੀ, ਕਿਉਂਕਿ ਇਸੇ ਸਾਲ 2026 ਵਿੱਚ ਜਦੋਂ ਦੁਨੀਆ ਦੇ ਕਈ ਸ਼ੇਅਰ ਬਾਜ਼ਾਰਾਂ ਵਿੱਚ ਗਿਰਾਵਟ ਦੇਖੀ ਗਈ, ਉਸ ਸਮੇਂ ਇੱਕ ਬਾਜ਼ਾਰ ਤੇਜ਼ੀ ਨਾਲ ਮੁਨਾਫ਼ਾ ਕਮਾ ਰਿਹਾ ਸੀ। ਇਹ ਦੁਨੀਆ ਦੇ ਸਭ ਤੋਂ ਤੇਜ਼ੀ ਨਾਲ ਦੌੜਦੇ ਬਾਜ਼ਾਰਾਂ ਵਿੱਚ ਸ਼ਾਮਲ ਰਿਹਾ ਅਤੇ ਕੇਵਲ 6 ਮਹੀਨਿਆਂ ਵਿੱਚ 100 ਫੀਸਦੀ ਤੱਕ ਦਾ ਰਿਟਰਨ ਦਿੱਤਾ। ਪਰ ਕੁਝ ਹੀ ਮਿੰਟਾਂ ਵਿੱਚ ਮਾਹੌਲ ਪੂਰੀ ਤਰ੍ਹਾਂ ਬਦਲ ਗਿਆ। ਨਿਵੇਸ਼ਕਾਂ ਵਿੱਚ ਘਬਰਾਹਟ ਫੈਲ ਗਈ ਅਤੇ ਸਕ੍ਰੀਨਾਂ ’ਤੇ ਲਾਲ ਰੰਗ ਛਾ ਗਿਆ। ਸੈਮਸੰਗ ਦੇ ਸ਼ੇਅਰ ਤੇਜ਼ੀ ਨਾਲ ਟੁੱਟਣ ਲੱਗੇ। ਐਸ.ਕੇ. ਹਾਈਨਿਕਸ ਵਿੱਚ ਵਿਕਰੀ ਦਾ ਦਬਾਅ ਹਰ ਮਿੰਟ ਵੱਧਦਾ ਗਿਆ। ਵਿਦੇਸ਼ੀ ਨਿਵੇਸ਼ਕ ਲਗਾਤਾਰ ਵਿਕਰੀ ਕਰ ਰਹੇ ਸਨ ਅਤੇ ਦੇਖਦੇ ਹੀ ਦੇਖਦੇ ਪੂਰਾ ਬਾਜ਼ਾਰ ਇਸ ਤਰ੍ਹਾਂ ਡਿੱਗਦਾ ਨਜ਼ਰ ਆਇਆ ਜਿਵੇਂ ਕੋਈ ਚੱਟਾਨ ਤੋਂ ਹੇਠਾਂ ਲੁੜਕ ਰਿਹਾ ਹੋਵੇ।