ਲੰਘੇ ਦਸੰਬਰ ਮਹੀਨੇ ਕਰੂ ਦੀ ਘਾਟ ਕਾਰਨ 5 ਹਜ਼ਾਰ ਉਡਾਣਾਂ ਹੋਈਆਂ ਸਨ ਰੱਦ

ਨਵੀਂ ਦਿੱਲੀ/ਬਿਊਰੋ ਨਿਊਜ਼

ਭਾਰਤ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ ਵੱਡੀ ਪੱਧਰ ’ਤੇ ਪਾਇਲਟਾਂ ਦੀ ਭਰਤੀ ਕਰਨ ਦੀ ਤਿਆਰੀ ਵਿਚ ਹੈ। ਕੰਪਨੀ 1 ਹਜ਼ਾਰ ਤੋਂ ਵੀ ਜ਼ਿਆਦਾ ਪਾਇਲਟਾਂ ਦੀ ਨਿਯੁਕਤੀ ਕਰੇਗੀ। ਇਹ ਭਾਰਤੀ ਉਡਾਣ ਖੇਤਰ ਵਿਚ ਕਿਸੇ ਵੀ ਏਅਰਲਾਈਨ ਵਲੋਂ ਕੀਤੀ ਜਾਣ ਵਾਲੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਭਰਤੀ ਮੁਹਿੰਮਾਂ ਵਿਚੋਂ ਇਕ ਹੈ। ਇਹ ਫੈਸਲਾ ਲੰਘੇ ਦਸੰਬਰ ਮਹੀਨੇ ਸੰਚਾਲਣ ਸਬੰਧੀ ਮੁਸ਼ਕਲਾਂ ਤੋਂ ਬਾਅਦ ਲਿਆ ਗਿਆ ਹੈ, ਜਦੋਂ ਕਿ ਚਾਲਕ ਦਲ ਦੀ ਘਾਟ ਕਾਰਨ ਸਿਰਫ 7 ਦਿਨਾਂ ਵਿਚ 5 ਹਜ਼ਾਰ ਤੋਂ ਵੱਧ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਸਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਇੰਡੀਗੋ ਦੀ ਭਰਤੀ ਪ੍ਰਕਿਰਿਆ ਵਿਚ ਟਰੇਨੀ ਫਸਟ ਅਫਸਰ, ਸੀਨੀਅਰ ਫਸਟ ਅਫਸਰ ਅਤੇ ਕੈਪਟਨ ਦੇ ਅਹੁਦੇ ਸ਼ਾਮਲ ਹਨ। ਕੰਪਨੀ ਆਪਣੇ ਕਾਰੋਬਾਰ ਦਾ ਵਿਸਥਾਰ ਕਰਨ ਅਤੇ ਰੈਗੂਲੇਟਰੀ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਇਹ ਕਦਮ ਚੁੱਕ ਰਹੀ ਹੈ।