ਸੋਨਾ ਇਕ ਦਿਨ ਵਿਚ ਪ੍ਰਤੀ ਤੋਲਾ 6865 ਰੁਪਏ ਅਤੇ ਚਾਂਦੀ ਪ੍ਰਤੀ ਕਿਲੋ 22 ਹਜ਼ਾਰ 825 ਰੁਪਏ ਸਸਤੀ ਹੋਈ 

ਨਵੀਂ ਦਿੱਲੀ/ਬਿਊਰੋ ਨਿਊਜ਼

ਭਾਰਤ ਵਿਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿਚ ਲਗਾਤਾਰ ਚਾਰ ਦਿਨ ਆਲ ਟਾਈਮ ਹਾਈ ’ਤੇ ਰਹਿਣ ਤੋਂ ਬਾਅਦ ਅੱਜ 30 ਜਨਵਰੀ ਨੂੰ ਵੱਡੀ ਗਿਰਾਵਟ ਆਈ ਹੈ। ਮਾਹਿਰਾਂ ਦੇ ਮੁਤਾਬਕ ਇਸਦਾ ਮੁੱਖ ਕਾਰਨ ਮਾਰਕੀਟ ਵਿਚ ਮੁਨਾਫਾ ਵਸੂਲੀ ਹੈ। ਇਸਦੇ ਚੱਲਦਿਆਂ ਸੋਨਾ ਇਕ ਦਿਨ ਵਿਚ ਪ੍ਰਤੀ ਤੋਲਾ 6865 ਰੁਪਏ ਅਤੇ ਚਾਂਦੀ ਪ੍ਰਤੀ ਕਿਲੋ 22 ਹਜ਼ਾਰ 825 ਰੁਪਏ ਸਸਤੀ ਹੋਈ ਹੈ। ਇੰਡੀਆ ਬੂਲੀਅਨ ਐਂਡ ਜਵੈਲਰਜ਼ ਐਸੋਸੀਏਸ਼ਨ ਦੇ ਅਨੁਸਾਰ 10 ਗਰਾਮ 24 ਕੈਰੇਟ ਸੋਨੇ ਦੀ ਕੀਮਤ 1 ਲੱਖ 68 ਹਜ਼ਾਰ 475 ਰੁਪਏ ’ਤੇ ਆ ਗਈ ਹੈ। ਇਸ ਤੋਂ ਪਹਿਲਾਂ ਸੋਨੇ ਦਾ ਭਾਅ 1 ਲੱਖ 75 ਹਜ਼ਾਰ 340 ਰੁਪਏ ਪ੍ਰਤੀ 10 ਗਰਾਮ ਹੋ ਗਿਆ ਸੀ।